Plantun de Prouvènço

Pèr coumpara dos planto d'encò nostre

Lysimachia nummularia & Orobanche reticulata

Erbo-dis-escut

Lysimachia nummularia

Primulaceae

Àutri noum : Erbo-di-cènt-malautié, Escapo-dai.

Noms en français : Herbe aux écus, Monnoyère.

Descripcioun :
L'erbo-dis-escut, planto rebaladisso, èi devengudo pulèu raro en Prouvènço. Trachis dins li prado, lis orle umide e li roubino. Se recounèis à si flour jauno e subretout à si fueio óupousado redouno que fan pensa à de peço de mounedo. La planto èi marcado sus listo roujo, categourìo LC valènt à dire soucit minour.

Usanço :
Dicho peréu despièi l'Age-Mejan erbo-di-cènt-malautié, a la reputacioun d'èstre uno planto proun vertuouso. Pamens fai de tèms qu'èi pu gaire emplegado. Ajudo à la cicatricacioun e sarié bono contro li moureno. Astringènto, saro li car e aurié de prouprieta emoustatico. Se preparo en decoucioun.

Port : Erbo
Taio : 2 à 5 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lysimachia
Famiho : Primulaceae

Ordre : Ericales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printems - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à Juliet

Liò : Prado - Isclo - Roubino - Orle
Estànci : Mesoumediterran à Mountagnard
Couroulougi : Éurasiatico
Ref. sc. : Lysimachia nummularia L., 1753

Erbo-de-taurèu(-reticulado)

Orobanche reticulata

Orobanchaceae

Nom en français : Orobanche réticulée.

Descripcioun :
Erbo-de-taurèu pulèu forto emé uno tijo e de flour jaunasso mesclado de vióulet e pièi cuberto de péu glandulous, vióulet peréu. Parasito subretout li cardoun e li caussido (eici sus lou bartalai, Cirsium vulgare).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Jauno Vióuleto
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Noun

Liò : Tepiero seco - Camin
Estànci : Mesoumediterran à Mountagnard
Couroulougi : Pancaro entresigna
Ref. sc. : Orobanche reticulata Wallr., 1825

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Lysimachia nummularia & Orobanche reticulata

ges

Coumpara Erbo-dis-escut emé uno autro planto

Coumpara Erbo-de-taurèu(-reticulado) emé uno autro planto